د هلک اونجلی دمیندو دشیدوتوپیر

  دوو امریکایې میرمنو په یوه وخت په زیږنتون کې اولادونه وزیږول چې یو هلک اوبله نجلی وه ددنرسانو په تیروتنه داپته ونه لګیده چې دکومي یوې هلک او دکومي نجلی ده ، ډاکټرانو د DNA 
ټیسټونه وکړل اوپایله یې بیخي یوتربله نږدي وختله ، ډاکټران حیران شول چې اوس به څه کوې !! اودستونزي حل ښکاره نشو دواړو میرمنو هري یوې ویلي چې هلک د دي دی ،اخر خبره دروغتون مشرانوته ورسیدله ،هغوی وویل د دي ستونزي حل به له مسلمانانو پوښتو ، اوپه سعودي کې یو چا ته د دي ستونزي دحل له پاره فون وکړ او په لاندي ډول خبري ترسره شوې :امریکایان : تاسو وایئ چې زموږ په دین کې دهري ستونزي حل شتون لرې ؟ سعودي ورته وویل : هوکي ، څه ستونزه ده ؟ هغوی کیسه ورته بیان کړه ، ده ورته وویل : دا اسانه خبر ده د دواړو میرمنو له شیدونه یوڅو څاڅکي درواخلئ او معاینه یې کړئ  دماشوم شیدي ډیر اوځواکمن غذایي مواد لرې او دنجلی کم هغه لرې ډا کټرانو د دواړ میرمنو شیدي معاینه کړي دښکاره توپیر په  موندلو سره یې ستونزه حل کړه ! 
سبحان الله قرانکریم ځکه وایې  : 
للذکر مثل حظ الانثیین 


یادونه : دا کیسه مې دیوه مصري ملګري له وال نه راخیستی 
ده  که څوک په دي اړه دقیق راپور لرې لطفا راسره شریکدي
 کړې منندوی به یې یم ،


أمراتان في امريكا وضعتا في نفس الوقت واحدة انجبت ولد والاخرى بنت وبسب خطأ من الممرضات لم تعرفن من انجبت الولد ومن انجبت البنت. بعد ذلك قاموا بفحص الدم وDNA فوجودو النتيجة متقاربة جداً جعل الاطباء في حيرة من أمرهم ولم يستطيعوا حل هذه المشكلة والامرأتان تصران كل واحدة منهن أنها هي التي انجبت الولد .. المهم قاموا الاطباء في المستشفي بابلاغ المسؤلين عن هذه المشكلة.. وعند وصول الخبر للمسؤلين قالوا.. لا يحل هذه المشكلة غير المسلمين.. حيث قاموا بالاتصال بأحد الاخوة في الملكة العربية السعودية وجاء الحوار كالتالي.. 
الامريكان: الم تقولوا أن كل مشكلة إلا ولها حل في دينكم فقال: بلى فاخبره القصة فقال: الحل بسيط جدا خذ قطرات من الحليب لكلا الامرأتين وقم بفحصه. فالحليب الذي يحتوى على أكثر مواد غنية ومغذية فهي المرأة التي انجبت الولد.. والحليب الذي يحتوى على اقل مواد غنية ومغذية فهي المرأة التي انجبت البنت. فذهب الاطباء واخذوا عينات من الحليب وقاموا بفحصها وفعلا وجدوا الفرق بينهما وعلموا من منهما انجبت الولد و البنت.
حيث يقول الله تعالى ( للذكر مثل حظ الأنثيين )

له ښه عمل سره داوږد ژوندفضیلت

طلحه بن عبیدالله رضي الله عنه وایې : د بلي قوم دوه کسان رسول الله صلي الله علیه وسلم ته راغلل اودواړه په یوه ځای مسلمان شول ، په دوی دواړو کې یو ډیر تکړه او ښه مجاهد و همدي مجاهد یې ښه جهاد هم وکړ او بیا شهی د شو اوهغه بل یې یوکال ژوندی و او له هغه وروسته ومړ ، طلحه وایې ماخوب ولید چې زه د جنت د دراوازي په خوله کې ولاړ یم دوی دواړه
راشې ، له جنت نه یوڅوک ورته راووځي او هغه وروستی چې وفات شوی دی هغه ته جنت ته دننوتلو اجازه ورکړې او له ځانه سره یې بوځې بیا هغه راشې او دخدای په لاره کې شهید شوې ته هم جنت ته دننوتلو اجازه ورکړې ، بیا راشې او ماته ووایې چې ځه ته لاړشه دلته دراتګ له پاره ستاوخت لاپآته دی 

سهار طلحه داخوب خلکو ته بیان کړ اوټول خلک په تعجب کې ولویدل ، داخبره رسول الله صلي الله علیه وسلم ته ورسدله اوهغه ته دا کیسه یوچا بیان کړه ، رسول الله صلي الله علیه وسلم ورته وویل
په دي کیسه کې تاسو څه شې ته تعجب کوئ ؟

هغوی ورته وویل : یارسول الله دایوډیر تکړه مجاهد و او دالله په لاره کې شهید هم شو اوهغه بل چې له ده نه وروسته په خپل مرګ مړ شوی دی هغه له ده نه مخکي جنت ته ننوځي ؟! رسول الله صلي الله علیه وسلم ورته وویل : ایا دابل له ده وروسته یوکال ژوند ندی کړی ؟ هغوی وویل : هوکي هغه له ده وروسته یوکال ژوند کړی دی ، رسول الله صلي الله علیه وسلم وویل : په دي کال کې به په ده باندي دروزي میاشت هم راغلي وې اوروژه به یې نیولي وې ، اوپه دي یو کال کې به یې لمنځونه کړي وې اوپه لمنځونوکې به یې څومره سجدي کړي وې ؟ هغوی وویل هوکي ! رسول الله صلي الله علیه وسلم وویل : د دوی دواړو په منځ کې دومره زیات توپیر شتون لرې چې داسمان او ځمکي له لریوالي نه زیات ده .

علامه السندي دابن ماجه په شرح کې د دي حدیث په شرح کې وایې : وَفِي الْحَدِيث فَضْل طُول الْحَيَاة مَعَ الْأَعْمَال الصَّالِحَة. یعني له ښو عملونو سره اوږد ژوند ډیر غوره دی او دي ته په حدیث کې نغوته شوې ده .

أخرجه ابن ماجه (3925) ، وابن حبان (2466) ،
والبيهقي في " الزهد " ( 73 / 2 ) ، وأحمد ( 1 / 161 - 162 و 163 ) ، وابن خزيمة في " صحيحه " ( 310 ) ، و الحاكم ( 1 / 200 )
وصححه الألباني في " السلسلة الصحيحة " (6 / 176).

د سورت نور تفسیر

 

د سورت نور تفسير

دپیل خبري

        سورت نور دمفسرینو په اجماع سره مدني سورت ده  او په (النور) سره یې دنومولو دوه وجهي شودل شوې دي  یوه دا چې که څوک ددي سورت په لارښوونو او هدایاتو عمل وکړي نو ژوند به یې له نور او رڼا نه ډک شې اوبل دا چې په دي سورت کې یو ایت راغلی چې هغه ایت هم ایت النور بلل کیږې نودهغه نوم ټول سورت ته هم ورکړل شوی دی اوهغه ایت دادی " الله نور السماوات والأرض " یعني الله جل جلا دځمکي  او اسمانونو نور دی.دمجاهد په یوه روایت کې راغلي دي چې رسول الله صلي الله علیه وسلم ویلي دي : تاسوخپلو میرمنوته سورت نور ور وښيئ او حارثه بن مضر وایې موږ ت عمربن الخطاب لیک راولیږه او راته لیکلي یې وو چې سورت النساء ، سورت الاحزاب او سورت النور زده کړئ

     دقرانکریم د سورتونو نومونه ځیني یې دهغو نومونو په نامه نومول شوې دي چې په هغه  سورت کې یې یادونه شوې وي لکه : آل عمران ، والأنبياء ، والضحى . او په ځیني سورتو نو باندي په هغه سورت کې دراغلي کیسې رنګ غالب شوی وې اودهغي کیسي په نوم نومول شوی وي لکه   " البقرة ، والأحقاف ، وهود . "  

        سورت نور دقرانکریم هغه سورت دی چې ټولنیزاو روزنیز موضوعات په ډیره ښایسته او تفصیلي توګه پکي څیړل شوې او بیان شوې دي ددي سورت عظمت اوستروالی دهمدي سورت له لومړي ایت نه ښه معلومیږې ځکه په پیل کې یې الله جل جلاله وایې (سورة) ... علماء وایې دپیل ایت په داسي توري سره پیل کول ددي سورت عظمت او ستروالي ته نغوته او اشاره ده اوبل په دي خبره کې دسورت توری نکره راوړل شوی دی او نکره چې مبتدا شې موخه یې داوي چې اوریدونکي ته عظمت وښیې اود دي مبتدا له پاره دری صفتونه  راوړل شوې دي اوپه هغوکې دجمع متکلم ضمیر هم ددي سورت عظمت ته اشاره ده او هغه دادي : " أنزلناها وفرضناها وأنزلنا فيها آيات بينات لعلكم تذكّرون "  په انزلنا ، فرضنا او بیا انزلنا کې د (نا) ضمیر دجمع متکلم دسورت نور دعظمت معنا ورکوې ،

         دتفسیر  علماو دقرانکریم دمختلفو اړخونو د روښانه کولو او تفسیرولو له پاره ګڼ شمیر لاري خپلي کړي دي لکه دمکمل قرانکریم دهرتوري تفسیر او تشریح ، یواځي دقراني احکامو تفسیر او څیړنه ، دقراني کیسو تفصیلات او تشریحات تفسیرول ، په قرانکریم کې دراوړل شویو مثالونو تفسیر او تشریح ، په قرانکریم کې د یادوشویو ځایونو تفصیلات ښکارول چې تفسیرارض القران یا قراني جغرافیه ورته وایې اوداراز ځیني علماو دقرانکریم ځانګړیو سورتونوته توجه کړي د ه اویواځي یې دیوه سورت پرتفسیر باندي کتاب لیکلی وې ، داراز ځانګړي سورتونه انتخابول شاید دوخت دجدي غوښتنو دځواب له پاره غوره کړل شوي وې اودا ډیر مهم او اساسي کار ځکه دی چې کله په مسلمانه ټولنه کې کوم ناوړه خویونه یاعادتونه زیات شې نو دهغو د درملني او اصلاح له پاره باید قراني لارښووني تشریح او وړاندي کړل شې او قرانکریم هغه لارښود دی چې په برکت سره یې مسلمانه ټولنه دهرډول روحي ناروغیومخنیوی کولی شې  .

         څرنګه چې  په دي سورت کې په ځانګړي توګه ځیني داسې موضوعات بیان شوې دي چې نن سبا هغه ډیری مسلمانانو له نظره غورځولي دي او په ځانګړي توګه په پښتني ټولنه کې هغو مهمو مسائلو ته خلک ډیره کمه توجه کوې له دي کبله مې اراده وکړه چې سورت نور په پښتو کې تفسیر او تشریح کړم ، که څه هم دسفر اوژوند ګڼ شمیر بوختیاوي مې شاید ددي كار دځنډ اوپروخت نه تکمیل لا مل شې خو زه کوښښ کوم چې دي ستر کارته له خپله وسه وخت پیداکړم او له لوی څښتن نه سوال کوم چې ددي مبارک او ستر کار ښه تکمیل او په غوره توګه د سرته رسولو توفیق او سیکه راکړي ، ځکه یوکار هم دلوی حښتن له مرستي او توفیق پرته نشي ترسره کیدلی  اوله درنولوستوالو هم هیله کوم چې  د روژي په دي مبارکه میاشت کې موپه دعاوکې یاد کړي ،

ستاسو حامد

سعودي عربستان د1433هجري کال دروژي میاشت

د سورت نور مهم موضوعات

        دلته په لنډه توګه هغه موضوعات را اخلو چې په سورت نور کې دهغوپه اړه تفصیلات راغلي دي ا ودا ځکه مهم بولو چې موږ دکوم سورت په اړه دمعلوماتو ترلاسه کولوپه لټه کې یو نوپه پیل کې دهغه سورت اجمالي نقشه یاخاکه  په ذهن کې لرل مهم دي څو دموضوع په اړه دذهن ځمکه له هغي موضوع سره یومخ نابلده نه وي پاته شوې  .

په دي سورت کې مختلف او مهم موضوعات بیان شوې دي چې یوڅو یې دادي لکه :

د دې سورت له ټولو څخه زياته ګټوره  او پوهه زياتوونكې برخه هغه ده چې د ( افك ) له کیسې سره تړاو لري په ام المؤمنين  عائشې صديقې رضي الله عنها باندې منافقينو د دروغو تور لګولى و په هغه كې د ځنو ساده  او مخلصو مسلمانانو د ثبات او استقامت پښې هم لږ څه ښوئېدلې وې چې د هغه خطرناكه اثر نه يواځې د  عائشې صديقې رضي الله عنها پر حالت  لوېده بلكې له يوه حيثه پخپله د رسول الله صلی الله عليه وسلم د مجد او شرف تر درباره هم رسېده نو ځكه ضرورت واقع شو چې لوى قرآن په پوره اهتمام او قوت سره دداسې ویروونکي غلطي اصلاح وكړي او د تل له پاره د ايماندارانو غوږونه پرانزي څو وروسته له دې نه له سره د دښمنانو د تبليغاتو او پروپاګندونو څخه متاثر نشي .
درسول الله  صلی الله عليه وسلم لوړ مقام يا د امهات المؤمنين پاك او محترم حيثيت داسې يو مقام او حيثيت دى چې په هغه كې د ډير لږ ناوړه نسبت ځاى نشته نو ځكه يې ددې سورت پیل  په دغو مباركو الفاظو سره وكړه : ( سُورَةٌ أَنزَلْنَاهَا وَفَرَضْنَاهَا ) څو مخاطبين وپوهيږي چې دده مضامين ځانته يو خاص اهميت لري ښايي هغه ياد وساتل شي او د مطالبو عملي كول يې پر ځان لازم وګرځوي او هغه صاف نصائع او سوچه ــ سوچه خبرې چې په دغه سورت كې بيان شوې دي هغه ټولې ددې وړ او  دي چې هر مسلمان يې پخپل زړه كې ټينګې وساتي او تل يې په ياد ولري او د يوې شېبې له مخې هم دده د احكامو څخه غفلت ونه كړي كه نه ددين او ددنيا په تباهۍ او خرابۍ اخته كيږي

 دنارینه و او ښځینه و دګډ  ژوند په اړه لارښووني او ټولنیز ژوند ،

 دخپلوانو ترمنځ دلیدنوکتنو اداب او اخلاق  ،

دزنا حد او دزنا او زناکارانو  سپکوالی ،

 دهغو خلکو سزا چې پاکي میرمني توروې او بیکاره خبرې پسې کوې ،

 دلعان حکم ،

 د عائشي رضي الله عنها د پآک والی بیان اوپه هغي باندي د تورلګوونکو سزا او عقاب ، 

د ښځو او نارینه و مومنانو په منځ کې دسپکو خبرو دخپرولو حرمت او نارواوالی ،

هيچاته ضرر نه رسول اوپه دي ترڅ کې د مِسْطَحِ بْنِ أُثَاثَةَ  کیسي ته اشاره ،

دهستوګني او نه هستوګني  کورونو ته دننوتلو په اړه اداب ،

 یوه کورته دورتګ په مهال دکورله خلکو نه داجازي غوښتلو اخلاق او تفصیلات یې ، دمسلمانانو ترمنځ داختلاط اداب  ،

 دسلام عامول ،

دمینځو او غلامانو په ودولو کې بیړه کول ،

داراز دمینځو اوغلامانانو دمکاتبت اهمیت یعني دڅه مال په بدل کې دهغوی ازادول،

دزناله پاره دمینځو دساتلو حرمت ،

پر پآک لمني امر ،

دمنافقینوغندنه او له رسول الله صلي الله علیه وسلم د دوی  دچلند غندنه ،

دشیطان په لوموکې له ګیرکیدلونه ویرونه ،

دایماني هدایت او کفري ضلالت له پاره یوه روښانه بیلګه

تفسیر

       سورة نور ټول مدني دی او په مختلفو وختونوکې یې ایتونه نازل شوي دي اودقرانکریم دسورتونو دنزول په حساب سورت نور سلم (100)سورت دی له جابربن زید ن روایت راغلی دی چې عبدالله بن عباس ویلي دي چې سورت نور له  اذااجاء نصرالله ... سورت نه وروسته او له سورت الحج نه مخکي نازل شوی دی .

سُورَةٌ أَنْزَلْنَاهَا وَفَرَضْنَاهَا وَأَنْزَلْنَا فِيهَا آيَاتٍ بَيِّنَاتٍ لَعَلَّكُمْ تَذَّكَّرُونَ ،

ژباړه : داسورت موږ نازل كړی دي , موږ فرض كړی  اوموز په دي سورت كې ښكاره ايتونه نازل کړي دي ، څو تاسو پند ترلاسه کړئ ،  په دي ایت کې دنحوې ترکیب دوه تقدیره شودل شوې دي ی ودا چې سورة دمبتدا محذوفي له پاره خبره د هاو اصل به داسې شې : هذه سورة انزلنها .... اویا خو سورة پخپله مبدا او دراتلونکي ایت الزانیة والزاني .... او وروسته ټول سورت یې خبر دی ، په لومړي تقدیر کې په هذه سره اوریدونکي سورت ته اشاره ده او هغه چې راتلونکی دی ،

سورة دقرانکریم هغي معلومي برخي ته وایې  چې پیل اوپای او ایتونه یې معلوم وې :  جُزْءٌ مِنَ الْقُرْآنِ مُعَيَّنٌ بِمَبْدَأٍ وَنِهَايَةٍ وَعَدَدِ آيَاتٍ .  اودلته هم همدا سورت مراد ده ، انزلناها یعني دادکلام نفسي په ډول موږ دده دنازلولو اراده کړي وه او دلته دانزال او فرضیت معناوي د متکلم ضمیر ته مستندي شوي دي څو ددي معناو کره والی او شرافت ښه ثابت شې ، فرضناها  ددي معنا داده چې په دي سورت کې چې کوم احکام راغلي دي په هغوی باندي عمل موږ فرض کړی دی اوس دا حکم داکثریت په بناشوی دی ځکه په دي سورت کې ځیني داسې شیان هم شته چې هغه له عمل او فرضیت سره تړاو نلرې لکه ىخىاي ىا قول  : اللَّهُ نُورُ السَّمَاوَاتِ وَالْأَرْضِ اوياىا :  : وَالَّذِينَ كَفَرُوا أَعْمَالُهُمْ كَسَرَابٍ بِقِيعَةٍ . 

وَأَنْزَلْنَا فِيهَا آيَاتٍ بَيِّنَاتٍ اوموږ په دي سورت کې ښکاره ایتونه نازل کړي دي ، او ایات دالایة جمعه د هاو ایة دقراني خبرو یوې ټاکلي برخي ته وایې چې هغه بیل او مستقل مطلب او معنا لرې ، الْآيَاتُ جَمْعُ آيَةٍ وَهِيَ قِطْعَةٌ مِنَ الْكَلَامِ الْقُرْآنِيِّ دَالَّةٌ عَلَى مَعْنًى مُسْتَقِلٍّ ،

دلته له ایات بینات مراد هغه ایتونه هم کیدلی شې چې رسول الله صلي الله علیه وسلم ته الله جل جلاله دمنافقینو په اړه معلومات ورکړي و اوداراز ددي سورت ټول ایتونه هم مراد کیدلی شې ځکه د بینات له وصف نه هم دا مراد ده چې ټول ایتونه ښکاره او روښانه دي ،

او دلته د ( فیها) ظرف دیوي تخییلي اشاري په توګه راوړل شوی دی چې ګواکي داسورة یوه بیله خزانه د ه اوپه هغه کې دا ایتونه دارزښتناکو شیانو په څیر نازل شوې او کیښودل شوې دي کنه سورت او ایتونه یوشی دي په سورت کې دایتونو دنازلولو معنا په حقیقي لحاظ نه صحي کیږې او (في) باید زیاته وبلل شي خو د لته په (في) کې موږ یواځي دا تخیل راپیدا کړ او زاید ه ونه بلل شوه او انزلنا فیها ایات د انزلناها ایات ... په معنا ده ، بینات دایتونوله پاره وصف ده یعني داسي ایتونه چې ښکاره او  واضحه معنا لرې قرانکریم رښتیا هم ډیر واضح او روښانه کتاب دی او په دي ایت کې لا دوضاحت او روښانتیا دومره اهتمام شوی دی چې که څه هم په دي وروستی جمله : وانزلنافیها ایات... کې د (انزلنا) بیاراوړلو ته اړتیا نه وه  ځکه مخکي شت او دلته دعطف توری کفایت کوې خ ودا تکرار دښه وضاحت او ډیر اهتمام له پاره شوی دی .

 لَعَلَّكُمْ تَذَكَّرُونَ ، دا جمله له دي وروستي وانزلنافیها ایات بینات ، سره تړاو نیسي  ځکه ایتونه چې کله ښه روښا ناو واضح شې بیا د تذکیراو پند له پاره وې او دلته هم دامراد ده ، تذکیر اوپند اخیستنه دقرانکریم ارموخه د ه او قرانکریم په مکرره توګه انسانان هڅولي دي څو بند او تذکیرترلاسه کړي ،

تذ كير : قراني آرموخه

تذکیر ، بلاغ او قرانکریم ته دخلکو رابلل دانبیاو او ټولو داعیانو اساسي کا ردی او همدا دقرانکریم موخه اومطلب دی دخدای پیغمبر ته په قرانکریم کې ډیرځایونه د (فذکر...) امر شوی دی او یوځای ورته وایې : فذکر انما انت مذکر یعني ته تذکیر ورکوونکی یې یوبل ځای په سورة الاعلي کې راغلي دي : فذکر ان نفعت الذکري یعني ته تذکیر کوه که یې ګټه کوله او یایې نه کوله یعني کوم ځای که تذکیر ګټه نه هم کوې ته یې باید پرینږدي ، قرانکریم که څه هم ښکاره یوځای ویلي دي چې د دي سرکشو کفارو له پاره بلاغ او تذکیر ګټه نهر سوې رسول الله صلي الله علیه وسلم وایې : إن الذين كفروا سواء عليهم أأنذرتهم أم لم تنذرهم لا يؤمنون  (البقرة: 6)  يعني د دوی کفر دي حد ته رسیدلی دی چې انذار او له جهنم نه ویرول هغوی ته فرق نه ورکوې نو دوی ت بلاغ او نه بلاغ هم ګټه نهر سوې خو بیاهم له روایاتو ثابت هده چې رسول الله صلي الله علیه وسلم هغه سرسختو کفاروته د دین بلنه ورکوله ځکه هغه ته امر شوی و : فذکر انما انت مذکر . او تذکیر او بلاغ دهغه دنده او ارموخه وه

د داعي له پاره هم پکا رده چې د تذکیر او بلاغ دنده خپله کړې او هروخت او هرچا ته تذکیر او دالله دین ورسوې که هغه ګټه لرې یا یې نلرې علماء وایې ددي حکمت دادی چې قرانکریم داسې یو بلیغ او له حکمته ډک کتاب دی چې دی په خپل ذاتي اغیز او اثر سره دسختو خلکو زړونوته ځا ن رسوې او پر سختو زړونو کې نرمي او دایمان ځلاوي بریښوې  اوپه دي اړه زموږ تاریخ ډیري بیلګي او خورا ښایسته او له پنده ډکي کیسې لرې  چې د عمر بن الخطاب رضي الله عنه داسلام منلو کیسه یې لومړۍ بیلګه بللی شو ، دهغه پر سخت زړه د (طه) سورت خپل اغیز شندلی واوله خپل اوښې او خورنه یې دهغوی په کور کې اوریدلی و .

داراز دمومنانو او صالحو خلکو له پاره هم تذکیر او بلاغ مهم دی  ابن جریری الطبري له عبدالله بن عباس نه روایت کوې هغه وایې صحابه کرامو رسول الله صلي الله علیه وسلم ته وویل : موږ دي یوڅه ویرولي وی ؟ دصحابه کرامو د د يغوښټني په ځواب کې دالاندي ایت نازل شو :فَذَكِّرْ بِالْقُرْآنِ مَن يَخَافُ وَعِيدِ یعني خدای جل  جلاله وایې څوک چې زما له وعید نه ویریږې هغوی ته په قران سر تذکیر ورکړه ،

دانبیاو د دتذکیر معنا داده چې دالله پیغام انسانانو ته ورسوې او هغوی ته الهي احکام روښانه او معلوم کړې  او دانسانانو له پاره د تذکیر مطلب دادی چې هغه قبول او ومني او موږ دا تذکیر په پند اخیستلو سره نوموودانبیاو اړوند مو مخکي یوڅه تشریح کړ او پآته شو د امتیانو اړوند تذکیر هغه روښانه خبر ده چې پند او عبرت ترلاسه کول دبریا او نجات لاره د ه او غفلت او بي پروایې د هلاکت او تباهي لورته رسیدلي لاره ده دقرانکریم لاره رڼا د ه او دا لاره دنجات لورته تللي ده په دي لاره تلونکی به تل په رڼا کې روان وې او له دي پرته نوري لاري کندوکپرواو هلاکتونوته رسیدلي دي  ،

له بده مرغه نوري لاري پخوا دومره ډیري نه وي او نه د ومره ښایسته او ځلانده وې اوس خو د دي فتنو اوپساتونوپه پیر کې دا لاري بیخي ډیري شوې دي الله دي موږ د دي نجات پرلاره ثابت لرې  دخدای پیغمبر صلي الله علیه وسلم وایې : جنت ته  غځیدلي لاره له ستونزو ډکه د ه او جهنم ته رسیدلي لاره له خوندو نو ډکه ده  ،

دقرانکریم ایتونه ښکاره او ځلاند ه دي د دوی تفصیلات  دزړه تل ته په اسان سره لویدونکي دي نو له دي ایتونو نه پندونه او تذکیر ترلاسه کول د مومن دند ه او وظیفه دي الله دي موږ په دي دندو کې بریالي لرې . ځکه خو د قرانکریم  دمختلفو اوګڼ شمیر ایتونو په پای کې موږ د تذکیر صیغه په مختلفو صیغو سره وینو :

لعلهم یتذکرون

 افلا تذکرون

کلا انها تذکره

فمن شاء ذکره

اوداسي نور ...

افغان بنسټ دپوهي ، رڼا ، تنویر، رشد اوانساني مرستو ځلانده سرچینه

     

  هغه ډیر بدخلک دي چې په خوله خبري کوې او عمل نه کوې  دا مطلب  قرانکریم په ډیر عجیب اسلوب اوتوبیځي  شکل بیان کړی دی ، دي قراني اسلوب ته که موږ ځیر شو پوه به شو چې تشي دخولي خبري ډیربد او ناوړه کار دی ، قرانکریم ددي مطلب بیانولو پیل د (لِمَ) په توري سره کړی دی یعني ولي تاسو بي عمله یاتشي خبرې

کوئ ؟

 {يَا أَيُّهَا الَّذِينَ آمَنُوا لِمَ تَقُولُونَ مَا لا تَفْعَلُونَ * كَبُرَ مَقْتًا عِندَ اللَّهِ أَن تَقُولُوا مَا لا تَفْعَلُونَ}[الصف: 2 - 3]. یعني ای هغو خلکو چې ایمان یې راوړی دی تاسو ولي هغه خبري کوئ چې هغه کارونه عملا نه کوئ ، تاسو چې کوم کارنه کوئ اوتش خبرې کوئ دا الله ډیرپه غوسه کوې

دتشوخبرو هغه زمریان چې له عمل نه شل شوټ وې او یواځي خوله یې ژ،ندی وې درسول الله صلي الله علیه وسلم په حدیثوکې دهغوی له پاره سخت عذاب بیان شوی دی :

عن أنس بن مالك - رضي الله عنه -: أن النبي - صلى الله عليه وسلم - قال: ((مررتُ ليلة أُسريَ بي على قومٍ تُقرَض شفاهُهم بمقاريضَ من نارٍ؛ فقلتُ: مَنْ هؤلاء يا جبريل؟! قال: خطباءٌ من أمَّتِكَ، يقولون ما لا يفعلون))

ژباړه : انس بن مالک رضي الله عنه وایې : رسول الله صلي الله علیه وسلم ویلي دي چې زه دمعرج په په داسي قوم باندي راغلم چې داور په قینچي ګانویې شونډي پریکیدلي ماجبریل ته وویل دا څو ک دي ؟ هغه راته وویل : داستاد امت هغه خطیبان او وینا وال دي چې تشي خبري به یې کولي .

    په ډیر تاسف سره باید ووایو چې موږ هم دتشوخبرو او تشولیکنو ډیر زمریان لرو زموږ په هیواد کې هم دخبرو او دستونزودحل کولو له پآره ډیر طراحان شتون لري خو که دخبرو ترڅنګ مو په سلو کې 5٪ دعمل اوکار خلک  لرلی نن به مو هیواد له داسي ناورینونو او لوږو او تندو سره نه و مخامخ اونن به مو هیواد له دومره کونډو او یتیمانو نه و ډک .

     داخبري مې په هیواد کې دیوې  نوې اداري ( افغان بنسټ) اودهغی د کارونو او فعالیتونو په ا ړه راونښلولي ، زماپه اند ددي اداري کارکونکي هغه خلک دي چې له خبرو یې عمل زیات دی ځکه دوی هیڅ پرنټ او الکټرانک رسنی نلرې یواځي یو ویب سایټ لرې چې هغه هم په تجربوې شکل پیل شوی دی او هغه ته هم  دیوه اوبل  لیکني ورټولوې یعني  له خبرو مخکي یې په عمل اوکارپیل کړی دی او کار یې هیوادوالوته ښکاره اوڅرګند دی  .

       دي اداري زما له کمو معلوماتو سره سم دادوه کاله کیږې چې  په ډیر کمو وسایلو کارپیل کړی دی ، اوس دکابل په ښار کې څو مدرسي لري یو یې نوی پوهنتون پیل کړی دی ، د دیني مدرسو پر تعلیمي نصاب باندي کار کوې ، د تالیف او ژباړي بیله اداره لرې ، دافغان بنسټ په نامه یوه انټرنیټي پاڼه لرې ، اود څو سوه بي سرپرسته  کورنیو داعاشي کفالت یې په غاړ اخیستی دی  .

       دا هغه اساسي کارونه دي چې نن افغان ولس اړتیا ورته لرې او ددي بنسټ  مشران چې نن کومو کارونو ته متوجه شوې دي اوپیل یې پرې کړی دی دایو داسي پیل او اساس بللی شو چې په داتیروڅو لسیزوکې یې ساری نه وینم ځکه مخکي خو هیڅ دیاد وړ مرسته چا نده کړي او نه داسي کومه اداره شتون لرې خوکه هرچا څه ورکړه او مرسته کړي هم ده هغه یې په ناسپیڅلیوموخو سره سرته رسوله هغوی  یاسیاسي موخي لرلي یا یې له مخصوصو خلکو سره مرسته کوله اویا یې هم دباندنیو ګټو دترلاسه کولو په نیت کوله  افغان بنسټ یواځنی هغه اداره ده چې پرته له کومو سیاسي او مادي موخو له اړو افغانانو سره دهغو اساسي مرستو نیت لرې چې نن سبا تربل هروخت افغانان زیاته اړتیا ورته لرې .

       له دي بنسټ سره چې زموږ کومه مرسته له وسه کیږې هغه فعلا یواځي دعاوي دي لوی څښتن دي دابنسټ هیواد شموله کړي الله دي دټول هیواد دیتیمانو او کونډو دکفالت وس ورکړي ، خدای دي هغه ورځ رالنډه کړي چې په هرولایت او هره ولسوالی کې دافغان بنسټ پوهنتونونه او مدرسي ابادي وې او خدای دي وکړي چې دابنسټ زموږ دبي وزله هیوادوالوله پاره  دتنویر او رشد ځلانده اوبهانده سرچینه وګرځي

د درود او سلام په فضیلت کې څلویښت حدیث

السلام علیکم ورحمة الله وبرکاته

دلته به په رسول الله صلي الله علیه وسلم باندي د درود ویلوپه اړه څلویښت حدیث رایوځای
کړو څو مو دحدیثو په نشر او خپرولوکې ونډه اخیستي وې او ځانونه درسول الله صلي الله
علیه وسلم دمبارکي دعا مستحق وګرځو : نضر الله امرء سمع مقالتي فوعاها ..... نو له ټولو
وروڼو هیله کوم چې په دي موضوع کې برخه راسره واخلئ او هریو ورور دي په رسول الله
صلي الله علیه وسلم باندي د درود ويلو په موضوع یو حدیث سره له ماخذ اوپښتو ژباړي
دلته ولیکي یادي له بل ځای نه رانقل کړي زه لومړی د درود داهمیت په اړه یوایت شریف
را اخلم اوبیا دپیل حدیث :

قال الله تعالى: إِنَّ اللَّهَ وَمَلَائِكَتَهُ يُصَلُّونَ عَلَى النَّبِيِّ يَا أَيُّهَا الَّذِينَ آمَنُوا صَلُّوا عَلَيْهِ وَسَلِّمُوا تَسْلِيماً [الأحزاب:56]. یعني الله جل جلاله او دهغه ملایکي په رسول الله صلي الله علیه وسلم درود وایې
، ای مومنانو تاسو په هغه درود او سلام ووایئ ابن کثیر ددي ایت په تفسیر کې وایې :

المقصود من هذه الآية أن الله سبحانه وتعالى أخبر عباده بمنزلة عبده ونبيه عنده في الملأ الأعلى بأنه تصلي عليه الملائكة ثم أمر الله تعالى العالم السفلي بالصلاة والسلام عليه، ليجتمع الثناء عليه من أهل العالمين العلوي والسفلي جميعاً 
یعني ددي ایت موخه داده چې الله جل جلاله خپلو بندګانو ته په ملا اعلي کې دخپل پیغمبر منزله او مقام ورښیې چې خپله الله جل جلاله او دده ملایکي په هغه درودوایې اوبیا الله جل جلاله دځمکي مخلوق ته امر کوې چې دوی دي هم په هغه باندي درود او سلام وایې څو ځمکني او اسماني ټول مخلوقات په هغه باندي په درود ویلو کې شریک شې ،


(۱)

قال فضالة بن عبيد: سمع النبي رجلاً يدعو في صلاته فلم يصلي على النبي فقال النبي : عجل هذا! ثم دعاه فقال له ولغيره: إذا صلى أحدكم فليبدأ بتحميد الله والثناء عليه، ثم يصلي على النبي، ثم ليدع بعد بما يشاء ( رواه أبو داود والترمذي وقال حديث حسن صحيح وأخرجه أحمد بإسناد صحيح وصححه ابن حبّان والحاكم ووافقه الذهبي) .

ژباړه : فضاله بن عبید وایې : رسول الله صلي الله له یوه کس نه واوریدل چې په لمانځه کې یې دعاکوله خو درود یې ونه ویلي ، رسول الله صلي الله علیه وسلم وویل : دی کس بیړه وکړه !
بیا یې هغه کس راوغوښت ، هغه اونورو خلکو ته یې وویل : کله چې تاسو کوم یو دعا کوئ
پیل دالله په حمد او ثنا وکړئ بیا په پیغمبر درود ووایئ او له هغه وروسته موچې کومه دعا
خوښه وې هغه وکړئ . 

د زړه پیاله

کیسه کا چې یوځوان یوه عالم ته ورغی او روته کړ ه یې زما دکارپه غوښتنه هره ورځ له بازار نه تیریږم او له ډیر کوښښ سره بیا هم 
نظر نشم ساتلی اوپه ناروا شيانو مې سترګې لګیږې دنظرساتلو 
چل راوښیه ؟
عالم ورته وویل : سمه ده خو یوکار زما له پاره وکړه بیابه زه دنظر ساتلو چل دروښیم ، ځوان وویل : په سترګو ، عالم ورته وویل : په
بازار کې په فلان ځای کې یو صالح انسان دی زه یوه پیاله شیدي درکوم هغه ته یې ورسوه خو له تاسره به یوځای یو بل کس هم لیږم که له پیالي څخه دي یوڅاڅکی شیدي هم تویه کړې نو یوه قوي څپیړ به درحواله کوې ،
ځوان تیارشو او دشیدو ډکه پیاله یې واخیستله ، ټوله لار دشیدو پیالي ته ډیر زیات متوجه و ځکه ورسره مل کس ډیر ځواکمن او د درنوڅپیړو خاوند و ، ځوان کار سره ته ورساوه او بیرته په خوشالي سره عالم ته راستون شو چې اوس نو دنظرساتلو چل راوښیه !
عالم ورته وویل : له خدایه ویریدونکي خلک دخپلو زړونوله پیالو سره دومره اتیات کوې لکه تاچې دشیدوله پیالي سره کاوه ، ځکه که دزړه له پیالي نه یوڅوک غافل شې په اخرت کې دعذاب ویره ده .

" قُل لِّلْمُؤْمِنِينَ يَغُضُّوا مِنْ أَبْصَارِهِمْ وَيَحْفَظُوا
فُرُوجَهُمْ ذَلِكَ أَزْكَى لَهُمْ إِنَّ اللَّهَ خَبِيرٌ بِمَا يَصْنَعُونَ "

مومنانو ته ووایه ! سترګي ښکته لرئ او شرمځایونه وساتئ
دا د دوی له پاره سپیڅلي لار او الله د دوی په کړنو ښه خبردی

اوداد نن ورځي هسپانیه ده !!

دا رسم په هسپانیه کې دیوي دیني نمانځغونډي له پاره ترتیبشوی دی ، دا غونډه
داندلس دسقوط په ویاړ(!) جوړه شوې وه په رسم کې چپ لوري ته دوه مسلمانان
په داسې حال کې لیدل کیږې چې له زیندۍ کولو وروسته یې اور ته کشوې څو یې
 وسوځوې !! اودا رسم د اندلس په سقوط باندي د خوشالي څرګندونه ښیې 

دي ته وا یې تروریزم او دي ته وایې وحشت او 
انسان ضد کړني اودا هغه څوک کوې چې د انسانیت 
دحقوقو دروغژني ناري سورې وهې 

اوداد نن ورځي هسپانیه ده !!

دحماة پیغله سلمي کیسه کوې...

دبشارالاسد دقتلونو خونړۍ دستان

سلمي دسوریې په حماة نومي ښار کې د التریمسه نومې کلي اوسیدونکي ده داد اسد دوحشیانو په لاس دتریمسه دکلي خونړۍ شپي کیسه داسي بیانوې : د تیري پنج شنبي په ماښآم دحکومت ټانکونه زموږ په کلي را ننوتل ، او دکلي په فضا کې الوتکو شورماشور جوړ کړ،
یو ساعت په کلي کې د توپونو او توپکو ډزي او غړمبهار روان وو ، وروست لیږ کراري شوه ، زه خپلي خوني ته ولاړم او دالله شکر مې وایست چې زه او کورنی مې تراوسه روغ یو ، زه ویده وم چې دخپل کور د دروازي دماتولو په غږ راویښه شوم ، د انسانانو ویروونکي اوازونه مې واوریدل ، زه له خپل کټ لاندي پټه شوم بدن مې ریږدیده ،او له ویري مې غاښونه هم کړپیدل ، دټوپک د ډزو په څیر دهغوی اوازونه زماغوږونو ته رارسیدل چې دخپل پلا راو مور ناري او سوري مې هم ورسره واوریدلي ،
نیت مې وکړ چې ور ووځم څو خپله کورنی وژغورم ، خوله بده مرغه زه له ځایه نشوی ښوریدلی او له ویري مې غړیو کار پري ایښی وو ، دانسانانو غږونه مې اوریدل چې دڅارویو په څیر غړمبیدل ،،، دالاندي خبري مې غوږونو ته ورسیدلي : په ځای ودریږه ! ونه ښوري ... مانه درته ویلي چې دا ځناور باید وسوځول شې ...!!
دخپل پلار غږ یدا مې اوریدله چې ویل یې : دخدای په پا رزما زوی مه وژنئ ! بیا مې دخپلي مور غږ واورید ورته ویل یې : ما ووژنئ خو زما لورمه وژنئ ! له دي وروسته مې نورڅه وانوریدل یواځي کړیکي اوچیغي مې غوږونوته راتلي ....
کله چې دهغوی په وتلو ډاډه شوم له خپل کټ نه راووتلم په ریږدیدونکو لاسونو مې دروازه خلاصه کړه ... هغه څه چې ما ولیدل نشم کولی ټول تاسو ته بیان کړم ... خونه په سرو وینو لړلي وه ، پلار ، مور ، ورور ، خور مې ټول په وینو کې لت پت پرات وو او ټول یې حلال کړي وو ...
له دي وروسته بیا پوه نشوم چې څه پیښیدل او څه وشول یواځي دانسانانو کړیکي او چیغي مې ددي ځناورو له خندا سره یوځای اوریلي ....
دا کیسه تاسو ته دهغه اوږده خندق یاکندي له غاړي نه بیانوم چې زموږ دکلي دشاوخوا دری سوه شهیدانوله پاره کنستل شوي ده ...
هوکي ! په دي کنده کې زما پلار ، مور ، ورو راو خور هم خښ شو ل او زما ترو ر، تره ، ماما او خاله هم .....
دلته د وخت د واکمن توري کیني خوړلي شهیدان دفن شول او دلته تاریخ هغه قصابه ولیکله چې د دیریاسین ، صابرا ، شتیلا ا وقانا له قصابو ډیره بد تره او زړه بوږنوونکي ده اوله دي ځایه دیوي مظلومي او ویرځپلي کړیکه پورته کوم که ستاسو په ضمیر کې یې څه ساه وپوکله .... زموږ وروڼه او زامن ذبحه کیږې ، سپینږیري مو وژل کیږې میرمني مو بي عفته او سوځول کیږې ، کورونه مو نړیږې ، په کلیواو کورونو مو بمباري رواني دي اوتاسو په خپلو ځایونوکې دکاڼو په څیر ولاړ یئ ....ځیني ستاسو په پټه خوله ژاړي ، ځیني نور مو ددي پیښو په غندنه بسنه کوې ...
پوهیږم ستاسو زړونه له موږ سره دي ، زموږ له پاره مواوښکي هم بهیږې خودا هرڅه زموږ په سرونو قهر اووحشتونه ، ظلمونه او د وخت دواکمن تیري نشي لري کولی
موږ تراوسه لا په دي انتظار یو چې یوڅوک به مو ترڅنګ دریږې او له دي ظلمونو او تیریو به مو ژغوري ایا تاسو غواړئ زموږ دا انتظار اوږد شې ؟؟
دخدای په پا راو دانساني ورورګلوي پراساس موږ وژغورئ ...
څوک شته چې زموږ کړیکو ته دهو ځواب راکړې ؟؟؟

ګنډل شوې روژه

ګنډل شوې روژه یا الصوم المرقع درپیژنم او دپیژندلو له پاره یې د ستر صحابي 
ابوهریره رضي الله عنه یو اثر را اخلم هغه وایې : الغيبة تخرق الصيام ، والاستغفار يرقعه ، فمن استطاع منكم أن يجيء بصوم مرقع فليفعل  ، یعني په غیبت سره روژه څیرې کیږې اوپه استغفار ویلو سره بیرته ګنډل کیږې  ، که څوک غواړي دقیامت په ورځ له ګنډل شوې روژي سره راشې نو دا کار دي وکړې ، 


ابن رجب الحنبلي  دابوهریره رضي الله عنه په دي اثر باندي لیکې : زموږ روژي ګټور استغفار ته اړتیا لرې ، او ښه عمل ته ، موږ خپلي روژي د خبرو په غشو سره څومره ډیري څیرلي دي !!اوبیا یې ګنډو  ، خو دا سې نه وې چې دا څیرل دومره زیات شې چې بیا یې ګنډل سخت وې ابن رجب وایې د ابوهریره رضي الله عنه موخه داده چې څوک د رښتیني روزي نیت لرې باید خپل سر او په سر کې ټول شیان وساتي ، داراز ګیډه او په هغه کې ټول شیان وساتي 


أهل الخصوص من الصوام صومهم *** صون اللسان عن البهتان والكذب 
والعارفون وأهل الأنس صومهم *** صون القلوب عن الأغيار والحجب)


یعني دخاصو خلکو روژه داسې وي چې له دروغو او بهتان نه یې ژبه ساتلي وي 
او د اهل الله او معرفت ت درسیدلو خلکو روژه داسې وي چې  له غیرالله یې زړونه 
پاک او تړلي  وي 


لطائف المعارف/صـ314


راځئ وروڼو د رښتیني روژي پخه اراده وکړو ، روژه دپاکي او داخلاقو د تهذیب او 
برابرولو میاشت ده دعادت له مخي یې معلومه موده خوله تړل اوبیا معده ترخولي 
پړسول  بیخونده عبادت ده هره ګړۍ او هرساعت باید دلوی څښتن  ځواک او یاد په 
فکر کې ولرو او په کړیو ګناهونو هر وخت استغفار ووایو او مخلصانه توبه وکړو 
راځئ همدا اوس دا ستره نبوي لارښوونه (حدیث) تلاوت او ځان پري پوه او عملي یې
 کړو ، رسول الله صلي الله علیه وسلم وایې :  إن الله ليعجب من العبد إذا قال : لا إله إلا أنت إني قد ظلمت نفسي ، فاغفر لي ذنوبي إنه لا يغفر الذنوب إلا أنت ، قال سبحانه : عبدي عرف أن له ربا يغفر ويعاقب ( صحیح البخاري ) 
یعني الله هغه بنده خوښوې چې ووایې : خدایه له تاپرته بل دعبادت وړ څوک نشته ، ماپر ځانظلم کړی دی ، ماته زما ګناهونه وبښه ، ګناهونه یواځي ته بښلی شې ،  الله جل جلاله وایې :زما بنده پوهیږې چې دی یوڅښتن لري چې هغه بښنه هم کوې او سزا هم ورکوې  .

د نن . آسیا مخالفینو ته وایو : ﴿مُوتُوا بِغَيْظِكُمْ﴾

حیف چې موږ څومره پرخپلو شخصي ګټو مین یو او په دي لاره کې دهرچا دغندني
او ترټني په باره کې هرډول ژبه کارونه جهاد بولو !!
زموږ داسې وروڼه شته چې هغوی خپل هرکار جهاد او آن د قدرت ل پاره قتل او قتال هم
جهاد بولي اوکه په دي لاره کې یې څوک کړمو ته ګوته نیسې هغه خپل سرسخت دښمن
بولي او دهغه هرعمل او هرکار دجهاد خلاف او په باندنیو کړیو پوري تړلی بولي

ګوتشمیر ي لیکوالان یا دمعلوم لوري سیاست ته بوخت خلک دنن . اسیا په اړه مختلف تورونه
او ډول ډول بهتانونه لګوي او د نن پر خلاف هرډول زهرجن او پوچ تبلیغات کوې داځکه چې نن هغه ویب سایټ دی چې د هر خاین او هر اجیر په وړاندي یو ځواکمن او پیاوړی سنګر دی دلته هرڅوک په یوه شرط خپل نظر شریکولی او په زغرده روښانه کولی شې او هغه شرط اسلام او علیا ملي ګټو ته درناوی دی اسلام او علیا ملي ګټي موږ ته له هرڅه او هرچا نه محترمي او دقدر وړ دي او دي دواړو ته خاینان زموږ دګذار لومړۍ هدف اوموخه ده هغه که هرڅومره ځواکمن او هرڅومره نفوذ لرونکي وې .
نن . اسیا دباندني یرغل او صلیبي اشغال پرخلاف هره ورځ په لومړۍ پاڼه او بحثفورمونو کې
ګڼ شمیر لیکني خپروې او په سلهاو زرو هیواد والو ته یې رسوې ، نن که د داخلي ظآلمانو او
ملي خاینانو پر خلاف دیوه پیاوړي قلمي سنګر په توګه رامنځته شوی دی داراز د باندنیو دښمنانو
او په ځانګړي توګه د صلیبي یرغلګرو پرخلاف زموږ دهیواد په الکترونیکه میډیا کې هغه یواځنی ویب سایټدی چې نه له کوم سیاسي لوري سره اړیکه لري او نه دچا له پاره کار کوې
نن . اسیا دګوتشمیرو هغو ځوانانو دهڅو په برکت پیل شوې او روانه ده چې هغوی اسلام ته په
رښتیني توګه ژمن او دملت علیا ګټو ته وفادار دي او دحق په لاره کې د ملامت کوونکو له
ملامتیا نه هیڅکله نه ویریږې او داکار یې یواځي او یواځي دالله درضا له پاره او دخپل زوریدلي
ولس له پاره درښتیني خدمت په موخه پیل کړی دی موږ داخبره دایمان په رڼا کې دیوه رښتیني
مسلمان په توګه په صداقت سره کوو اودخپل ناپېیلتوب له پاره نورو توضیحاتو او لوړو ته
هیڅ اړتیا نه وینو

زموږ دکارد سپیڅلتیا او کره والي نغد ثبوت زموږ په کمو شپوکې دومره پرمخیون دی چې
خلکو په کلونو ندی ترلاسه کړی دټولنیزو اړیکو مشهورو ویب سایټونو لکه فیسبوک ، تویتر
او نورو ... ډیر عادي ویب سایټونه په ټپه درولي دي خو نن الحمد لله هره ورځ مخ پروړاندي ګامونه
اخلي او په څلرویشت ساعتنونوکې په سلهاو زره کتونکي لري اودي ټکي ځیني ناروغ سیاستوال
او پرځان مین خلک دردولي او خشمولي دي او دنن پرخلاف له هیڅ ډول زهرجنو تبلیغاتو لاس
نه اخلي دوی په فیسبوک کې د نن . اسیا صفحي ریپورټ کوې او دنن لینکونه خپروې
چې دا د باندنیو کړیو ویب سایټ دی !

خو الحمد لله او بیا الحمد لله چې افغانانو د نن صداقت ، سپیڅلتیا او اسلام او علیا ملي
ګټو ته ژمنتیا اوس ښه درک کړي ده نن چې داسلام دسپیڅلي دین او اخلاقیاتو خپرولو
له پاره کوم کار کړی او لایې کوې هغه هرچا ته روښانه او ښکاره ده دلته په فورمونو کې
دقران ، حدیثو ، فقهي ، اخلاقو ، اسلامي تهذیب او ... موضوعاتو له پاره مستقل بحثفورمونه
تیارشوي دي او په کم وخت کې پریمانه تحقیقي او په زړه پوري لیکني پکي یوځای شوې دي
زموږدکار تنوع د اسلام دمختلفو اړخونو احتوا اودځوانو لیکوالانو له اخلاص او للهیت نه
ډکي هڅي ددي لامل شوې دي چې نن په کم وخت کې دانټر نیټ په نړۍ کې دهیواد په سطحه
دکتونکو په لحاظ ترټولو مخکي او ډیر کتونکي لرونکی ویب سایټ دی

او لکه مخکي مو وویل زموږ دومره تیز پرمخیو ن د ناروغه اومغرضو کړیو له پاره دمنلو وړ ندی او ځکه خو دنن په اړه هرډول زهر جن او ناوړه تبلیغات کوې اوموږ په ځواب کې دومره ورته وایو :
﴿ مُوتُوا بِغَيْظِكُمْ﴾

تاسو به خپله کینه او حسد زوروې ، تاسو به په خپلو نامرادیو کې اخته یئ تاسو به په خپله
غوسه کې مړه شئ ،او دنن کاروان به روان او لا ګړندی کیدونکی ، لاپراخیدونکی او لا افغان شموله کیدونکی وې باذن الله تعالي .

مسلمانوخوندوته مشوره

په فیسبوک او انټرنیټ کې دمیرمنود شتون موخه دانده چې هغه دي له خلکو سره دتعارف او پیژندني متاع وګرځي اویا دي له هغي نه ددي شخصي معلومات ، دهغي انځورونه ،دمیني خبرې اونامشروع اړیکي ترلاسه کړل شې ، 

له ټولو ځوانانو او درنو خوندو نه په ډیر درنښت هیله کوم چې نور د چټیاتو او ناپوهۍ وخت ته شاکړئ راځئ دا نوې وسیله (انټر نیټ) داسلام او هیواد ، دمسلمانانو او هیوادوالو دخیر په لاروچاروکې وکاروو 

مهالیز ه بهیمي ، شهوتي اوجنوني غریزه باید نوره مهار او کنترول کړو هره پوهه پیغله او مسؤلیت پیژندونکی ځوان باید انټرنیټ ته دکېنستلوپه مهال دافکر وکړي چې له ما نه به داخرت په ورځ دهري ثانيي وخت اوهر عمل او کړني پوښتنه کیږې او هیواد او هیواد وال پرموږ حق لرې چې دخپلي پوهي په رڼا کې سمه او دخیرلاره ورته روښانه کړو 

په ځانګړي توګه له درنو خوندو نه په ډیر احترام هیله کوم چې دخپل عفت او درنښت ساتني ته په جدي توګه او ډیر غور سره پاملرنه وکړي په دي کې شک نشته چې دلته انساني لیوان شتون لرې او هغوی هروخت ستاسو د درنښت ، حیا او عفت لوټلو ته تږي ناست دي ،

لوی څښتن دي د ټولو مسلمانانو خوندي او لوڼه
په خپل امن او ساتنه کې خوندي ولرې 

لطفا دالیکنه خپره او په ځانګړي توګه له 
خپلو مسلمانو خوندو سره شریکه کړئ